الرئيسية » أخبار متنوعة » عريس في طيارة باريس

عريس في طيارة باريس

13289061_967993449982377_1208764751_n

أبو ظبي

كتبت..  سهير الغنام

==================

سقطت طيارة باريس
وعلى متنها راهب وناسك
وإمام جاره قسيس
وناس راجعة مصر ترمضن
وتقيد الشمع فى الفوانيس
وشاب راجع من رحلة عسل
أصله ياناس كان عريس
وناس ملت من برد فرنسا
قالت يمكن تلقى فى حضن بلادها ونيس
ماهي مصر دايما كده
تدفي وطبطب وتمسح الدمع عن خذ التعيس

سقطت طيارة باريس
فى مطار القاهرة——
فىه أم وقفة وعنيها زايغة بتبص فى الصالة
و الكواليس
قالت لي ياابني
إمتى جاية طيارة باريس
قلت لها بعد ساعة ولا أزيد ماتقلقيش ياام العريس
ضحكت بطيبة وقالت
إذاي عرفت انى ام العريس !
قلت لها ما هي الفرحة باينة جوه عنيكي
ودموعها فيهم محابيس
قالت لي طيب بطل كلام
وشوف لي امتى جاية
طيارة باريس
مشيت بهمة على لوحة الوصول
ومكنتش أعرف ان سقطت طيارة باريس

ورجعت تانى اطمنها
وأكون ليها جليس
قالت لي عارف !
انا ابني ده أبرّ علي من قديس
ماهو أصله وحيدي وأغلى عندى
من الدُر النَفيس
قلت لها ساعات بسيطة ويجي
وتقيدوا شموع الفرح فى الفوانيس
مكنتش أعرف انه سقطت
طيارة باريس

وفجأة سمعت هيصة
وناس كتير بتبكي
نازلة من أوتوبيس
سألت جايين منين ومالكم ؟!
قالوا لي ماتوا!
قالوا لي غرقوا!
صرخت وقلت مين ؟!
قالوا ركاب طيارة باريس

نسيت حسرتي
وقلت هااقول ايه لام مستنية حضن ابنها العريس
قلت معلش ياامي
ضاع حلمك ومابقاش الا الكوابيس
صرخت بآهه
هزت سكون الكون
وكل إللى قالته ولدي ياضي عيني
وخيم الصمت على ام العريس !

سألت وقلت ليه ؟
اللي يقول إرهاب !
واللي يقول إهمال !
ده غير إللى اشتغلوا فى التسيس
كنت نسيت اسألها
هو اسمه مينا ولا حمدي
وهاتفرق ايه ماكله راح لما
سقطت طيارة باريس

عن فاتن نصر

شاهد أيضاً

بالفيديو.. قصيدة “أخوي محمد” لصاحب السمو الشيخ محمد بن زايد آل نهيان

  نشر سمو الشيخ حمدان بن محمد بن راشد آل مكتوم، ولي عهد دبي، عبر حساب …

500 درهم مخالفة إبقاء المركبة في الطريق عند وقوع حادث بسيط

  تبدأ مديرية المرور والدوريات في شرطة أبوظبي بالتنسيق مع شركة «ساعد»، اعتباراً من مطلع …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *