الرئيسية » اخبار الجالية » الانتخابات المصرية في الامارات ، فخر واعتزاز وفرحة

الانتخابات المصرية في الامارات ، فخر واعتزاز وفرحة

الانتخابات المصرية في الامارات ، فخر واعتزاز وفرحة

اعداد / شباب جروب الجالية المصرية – الامارات علي موقع الفيسبوك

تصوير / عمرو العوضي

بعد الحملة التي اطلقها موقع الجالية المصرية لتحفيز المصريين فى الامارات على المشاركة في الانتخابات، انتقل موقعنا لتغطية العملية الانتخابية على مدار السبع ايام الماضية، فقام الموقع بعد الحملة بتغطية العملية الانتخابية وأخذ آراء الجمهور، كما قامت عدسات الجالية المصرية في الامارات برصد فرحة المصريين المغتربين بمشاركتهم في الانتخابات لاول مرة.
التحقيق التالي يتجول في كواليس العملية الانتخابية ودور السفارة المصرية في تنظيم الانتخابات وسرعتها على مدار 7 ايام وعمل متواصل لمدة 24 ساعه، بداية من اكبر موظف فيها “السفير المصري تامر منصور” الى أصغر عامل فى السفارة
وقد اعتمدنا في هذا التقرير على اجابة الجمهور على هذا السؤال الهام:

ايه هي مشاعرك وانت بتنتخب ولاول مرة ؟؟ ولو مرشح تاني فاز غير اللى انت انتخبتة هيكون ايه موقفك؟

عبر سامي الشريف عن سعادته قائلا : كل من قابلته في السفاره كان سعيد أنه أصبح مصري مؤثر في إختيار رئيسه وله قيمه مثل بقيه مواطني العالم والكل متفائل رغم الأزمات الا أن الديمقراطيه تصحح أخطائها والجميع يظن أن مستقبل أولاده سيكون أفضل فمن أعظم انجازات الثوره زرع الأمل والتفاؤل في قلوب المصريين ونزع الخوف من صدورهم وبعد أن كنا نقول البلد دي بلدهم “المخلوع وعصابته” أصبحنا نقول البلد دي “بلدنا كلنا مصريين” ومن حق كل واحد فينا أن يحلم ويحقق أحلامه بغض النظر عن المرشح اللي إنتخبته والفرحه كانت في عيون كل المصريين.

ووافقه كريم سعد حليم الرأي، بقوله: مشاعري طبعا هي الفرحة والفخر لأننا أصبحنا نشارك فى صنع القرار وفى اختيار من يمثلنا كرئيس مصر .. واعتقد طبعا انى أتمنى أن مرشحى يفوز لكن لو مرشح آخر فاز مش هازعل وهاحترمه طالما هيعمل لمصلحة بلدي مصر.
ومن اجمل المواقف الطريفة التي رصدتها عدسات الجالية المصرية خلال وجودها فى السفارة…

وجود زوجين شابين
الزوجه مؤيده… لعمر موسى
والزوج مؤيد… لابو الفتوح
والاتين متقبلين اختلاف الاخر ويتعاملوا مع بعض على احترام كل منهما لرأى الاخر
الزوج.. مثلا ما حلفش عليها بالطلاق انها لازم ترشح ابو الفتوح
و الزوجه.. ماحلفتش برحمه ابوها لو ما رشحش موسى هاتسيبله البيت يشبع بيه
هذه هي الديموقراطيه التي تعبر عن حرية الرأي .. ومنها الى الكرامه والعداله الاجتماعيه

أليست هذه مطالب الثوره ؟!! العيش بحريه وعداله اجتماعية…

فعبر جميع المصريين المغتربين عن سعادتهم البالغة في الادلاء باصواتهم والمشاركة لاول مرة في العملية الانتخابية ونقل اصواتهم للعالم الخارجي وشعورهم بالرضا والقناعة التامة بالرئيس المنتظر.
كما لا يمكن انكار الدور الكبير والبارز الذي لعبته السفارة المصرية في تنظيم العملية الانتخابية وسرعة اتمامها بتسهيل الامور للمنتخبين، كطباعة الاوراق وتجهيز المظاريف الفارغة بالاضافة لسلاسة ومرونة التعامل مع المنتخبين.

دمتي يا مصر فخرا لاولادك .. عظيمة بناسك سفرا لمصر…

 

 

 

 

 

 

 

 

 

 

 

 

 

 

 

 

 

 

 

عن ahmed kimo

مهندس صيانة حاسب الى متخصص في تطوير البرامج والمواقع على الانترنت وتصميم المواقع وجلب احدث البرامج العالمية . 00971503337932 00201114047456 WWW.AHMED.TK ax5@hotmail.it

شاهد أيضاً

الجالية المصرية بالنادي المصري بعجمان تحتفل بانتصارات أكتوبر في الإمارات

  احتفلت الجالية المصرية بذكرى انتصارات أكتوبر المجيدة في المقر الرئيس للأندية المصرية بدولة الأمارات …

زايد وحرب أكتوبر في احتفالية نظمتها الجالية المصرية بالعين واستضافها نادي ضباط الشرطة

  شهد معالي الشيخ سعيد بن طحنون أل نهيان وبحضور الشيخ سالم بن ركاض العامري …

14 تعليق

  1. اجمل لحظات .. لحظات نتنفس فيها عبير الحريه .. خطوات نخطوها لنصل االى مانصوبه اليه من حياه كريمه وبلد آمن …واقتصاد قوى … ومواطن لهالتقدير والاحترام ..كلى امل فى الله ويقين ان القادم القريب افضل واجمل بفضل الله وعدله ان شاء الله

  2. حاجة مشرفة جدا بصراحة شكرا ليكم على نقل الصورة كاملة وشكرا لكل اعضاء السفارة ولسيادة السفير تامر منصور والسيد محمد الهواري وكل من شارك فى نجاح العملية الانتخابية فى الامارات

  3. انا فخور جدا بواقع الانتخابات صحيح كان فيها بعض السلبيات لكنها كانت اول التجارب … لكن فيها الكثير من الايجابات ، من مثل ان السفير مشمر وقاعد يشتغل زى زى اى موظف فى السفاره وبيساعد الناس .

    تحيه للسفاره المصريه وسفيرها المحترم وطاقم موظفيها املين من المولى عز وجل ان يحقق الخير للوطن العزيز

  4. بجد بجد يا جماعه واااااااااااااو … حاجه حلو مووووووووووت كلنا كنا مبسوطين اوى اوى واحنا فى السفاره

    واخدنا صور كتير حتى السفير نفسه اتصور معنا كمان

    بجد انا فرحانه اوى اوى

    ومرسى كتير للسفير وكل الاى تعبوا فى حكايه الانتخابات دى

  5. ايناس النجار

    شئ يدعوا للفخر .. مارائناه فى السفاره من تعاون مثمر من كل طاقم السفاره بدئا من السفير الذى كان متواجد يعمل وسط الناخبين وحتى اضغر موظف .. نحمد ربنا الاى خلانا نشوف اليوم ده

  6. Haytham Al Dosoky

    My appreciation to all It was very nice to met all those Egyptians and my pleasure to chatting with the Ambassador
    it was amazing

  7. حمدى محمد السباعى

    بصوا هو انا صحيح عجبنى حكايه ان السفير مشمر وقاعد زيه زى باقى الخلق فى السفاره بس معلش بردك فى حاجات غلط كتير حصلت يعنى الاظرف مش كفايه ، ماكنش فى مياه وحتى الاى كانت موجود مافيش سله زبالهك\ه يعنى كان ممكن تكون احسن

  8. ahlam samier mahmoud

    بجد شيء يفرح ، العرس الوطني للمصريين المغتربين بهذا الشكل المنظم والدقيق والواعي والهادئ ، ومن الواضح ان الصورة الحضارية اللي ظهرت بيها عملية التصويت كان وراها فريق عمل جاد و مخلص ، خاصة من افراد سفارتنا العزيزة والقريبة الى قلوبنا وهو الامر الل بيبشر بمستقبل جميل طول ما ايدينا في ايد بعض بالشكل ده ، الف مليون شكر لمعالي السفير المصري وكل اعضاء السفارة المصرية والقنصلية ايضا ، ويارب دايما كده ، وماننساش طبعا اعضاء موقع الجالية المصرية في الامارات وجروب الجالية المصرية ، فعلا شيء يثير بداخلنا كل الفخر والتقدير والفرحة والامل بالمستقبل

  9. اللورد بكار سيدون

    شيء جميل والله كنت اتمنى اكون هناك واشارك ف لحظه حلوة زي دي

  10. رجل مجهول

    السلام عليكم ورحمة الله وبركاته .. حقيقة ما شاهدناه كان شيء يدعو للفخر بكل ماهو مصري .. فأخيرا أصبح بأستطاعنا أن نختار من يمثلنا .. شكرا لكل من ساهم بتسهيل عمليات التصويت أبتداء من شباب الجاليه المصريه الأكثر من رائع مرورا بالتنظيم المبدع من قبل السادة / سفارة جمهورية مصر العربيه وجميع الساده الأفاضل القائمين علي العمليه الأنتخابيه .. رعاك الله يامصر بلدا وشعبا جسورا

  11. أول مرة أشوف المصريين بالحماس دة واقفين بالدور علشان كل واحد يؤيد بصوتة و بجد حاجة تفرح و يارييت ربنا يوفقنا في الرئيس المنتظر. في نفس الوقت لو كان عدد المنظمين أكثر شوية كانت هتبقي منظمة أكثر

  12. اول مرة اكيد ليها مميزتها وليها عيوبها من حيث التنظيم طبعاً , لكن لم نكن نمتلك الوقت او التفكير لتنظيم العملية الانخابية التي قامت بها السفارة المصرية بل كان شغلنا الشاغل بالنسبة لنا هو تواجدنا في هذا المكان وما كنا نقوم به في هذا الوقت من اول استخدام لحريتنا المطلقة , ولكن في المرات المقبلة نرجو ان تكون العملية الانتخابية اكثر تنظيماً وتليق بمستوي رقي الشعب المصري.

  13. Good Morning everybody , it was pleasure to see that , the Egyptian citizens started to vote for selection their president after long darkness years , I do appreciate those people who did their best efforts for success this unique event , it was amazing to see the ambassador himself working for register and entering the data , I do respect such people and we will never forget the great efforts of the elite youth of the Egyptian community in UAE through their fantastic website .

  14. حقيقي شيء جميل واكبر ما يلفت النظر في هذا الموضوع هو طول الطابور وصبر المصريين على الانتظار في الحر والتعب ، عشان يدلوا بصوتهم ، والاجمل هو انصهار السفير المصري وطاقم سفارته جميعا في العمل مع المترددين على السفارة وتكريس كل امكانياتها لتسهيل مهمتهم في اداء دورهم الوطني ، والعمل على خدمة ابناء الجالية ، نفسنا مصر تكون كده على طول بسواعد ابنائها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *